རྩོམ་རིག་གི་བླ་སྲོག ཨ་རིག་དགེ་མཐོང་།

རྩོམ་རིག་གི་བླ་སྲོག   ཨ་རིག་དགེ་མཐོང་།
ངས་ཁྱེད་ལ་ལན་རེ་སྐད་ཆ་སྐྱིད་པོ་བཤད་སྲིད་ལ། ངས་ཁྱེད་ལ་མཚམས་རེ་མི་སྙན་པའི་གཏམ་ཡང་བཤད་སྲིད།གང་ལྟར་ཡང་ཕན་ཚུན་ལ་དྲ་གྲོགས་ཤིག་གི་འདུ་ཤེས་འཛིན་དགོས།

ཟིན་བྲིས་འདི་བདེ་བླག་ངང་གཟིགས་ཐུབ་ཆེད་ཁྱེད་ཀྱི་རྩིས་འཁོར་གྱི་ནང་དུ་བྱུང་ན་ Windows Vista གཞི་རྩའི་མ་ལག་ཡོད་དགོས། གལ་ཏེ་དེ་ལྟར་མ་བྱུང་ཚེ་མར་མཐར་ཡང Microsoft IE7 གནས་འཕྲིན་དྲ་བའི་འཕྲུལ་ཆས་དེ་ངེས་པར་ནང་འཇུག་བྱེད་དགོས།།

སྔོན་སྤེལ་ཟིན་བྲིས།

ཟླ་རེའི་ཟིན་བྲིས་སྤེལ་གྲངས།

ཟིན་བྲིས་གསར་ཤོས་གྲངས་བཅུ།

བོད་མིའི་སེམས་ཀྱི་མར་ལོ།

ས་སྟེང་འདི་ན་མེ་ལྟར་འབར་བའི་སྐྱེས་བུ་ཞིག།
གནམ་འོག་འདི་ན་འོད་ཀྱིས་བཞུད་པའི་སྟོན་པ་ཞིག།
འཇིག་རྟེན་འདི་ན་བྱམས་བརྩེ་བསྐྲུན་པའི་དྲིན་ཆེན་ཞིག།
ཕྱི་ནང་བར་ན་གྲུབ་མཐའ་རིས་མེད་གཟིགས་མཁན་ཞིག།

འཛམ་གླིང་ཧྲིལ་བོ་དྲང་བདེན་ཕྱག་གི་མཐིལ་དུ་ཉར།།
བོད་མིའི་བདེ་སྡུག་ཤར་ནུབ་རྒྱལ་ཁབ་ཡོངས་ལ་བསྒྲགས།།
གཞིས་བྱེས་གཉིས་ཀྱི་གནས་སྟངས་ཐུགས་ཀྱི་དཀྱིལ་དུ་བཟུང་།།
ཆོལ་གསུམ་མཐུན་སྦྲེལ་གསེར་གྱི་དར་ཐག་ཁྱེད་ཀྱིས་འཐེན།།

གོ་ལའི་སྟེང་གི་རྒྱལ་ཁབ་ཕལ་ཆེར་ཁྱེད་ལ་དགའ་དྲགས་ནས།།
རིན་ཆེན་ཕྱག་ཁྱེར་གྲངས་མེད་ཁྱེད་ལ་ཕུལ་ན་ཡང་།།
དད་ལྡན་བོད་མའི་སེམས་ཀྱི་གུས་འདུད་དྭངས་མ་འདི།།
གསེར་དངུལ་ཡོད་ཚད་གཅིག་ཏུ་སྤུངས་ཀྱང་འགྲན་ཟླ་མེད།།

ཟིན་བྲིས་འདིའི་བདག་དབང་ཆ་ཚང་ཨ་རིག་དགེ་མཐོང་ལ་ཡོད། ཟིན་བྲིས་བཟོ་བཀོད་པ་བསོད་ནམས་འོད་ཟེར།. Powered by Blogger.

དྲ་ཚིགས་བཟོ་བཀོད་པ་བསོད་ནམས་འོད་ཟེར།

དྲ་ཚིགས་བཟོ་བཀོད་པ་བསོད་ནམས་འོད་ཟེར།
snws2010@hotmail.com
Monday, March 14, 2011
བོད་ཀྱི་གྲྭ་བཙུན་ཚོ་གླེང་སྟངས་ཤིག
 
པར་ཡོང་ཁུངས་དྲ་རྒྱ་ཡིན།

སད་མི་བདུན་པོ་དེ་རབ་ཏུ་བྱུང་དུས་སུ། །
བོད་ཀྱི་གྲྭ་བཙུན་དེ་ཀུན་གྱིས་བརྩི་བཀུར་བྱེད། །
གྲྭ་བའི་གྲངས་ཀ་དེ་མང་དུ་ཕྱིན་པ་ནས། །
བོད་ཀྱི་གྲྭ་བཙུན་དེ་སྐྱོན་ཅན་ཡིན་པར་བསྒྲགས།

དུས་རབས་མ་རབས་དེ་ཟེར་ནས་ཟུར་ནས་སྡིགས། །
དགའ་རོགས་མང་རབས་ཏེ་ལབ་ནས་སྐུར་བ་བཏབས། །
གྲྭ་བཙུན་བརྗོད་བྱ་དེ་བཟུང་ནས་བྲིས་དང་ན། །
རྩོམ་རྩལ་བཟང་བོ་དེ་མི་དགོས་ཡག་གི་ཟེར། །

བླ་སྤྲུལ་འགའ་རེས་ད་རང་རིགས་སྐྱབས་ཡོད་ཀྱང་། །
དགེ་མཚན་དེ་ཚོ་ད་གླེང་མཁན་དཀོན་པོ་རེད། །
སློབ་གྲྭ་བཙུགས་པའི་ད་གྲྭ་བ་མང་ན་ཡང་། །
གྲུབ་འབྲས་དྲང་མོ་ད་གླེང་ནི་དཀའ་མོ་རེད། །

བོད་ཀྱི་སྐད་ཡིག་དེ་གྲྭ་བའི་གཟན་འོག་ན། །
ད་ལྟ་མ་ཤི་དེ་ཡོད་པ་གསལ་བོ་ཡིན། །
གངས་ཅན་བོད་པ་དེ་གཅིག་པུའི་ཁྱད་ཆོས་ཉིད། །
ནང་བསྟན་གཞུང་ལུགས་དེ་གྲྭ་བས་ཉར་ནས་ཡོད། །

ཆོས་སྲིད་ཟུང་འབྲེལ་གྱི་ནང་དོན་མ་རྟོགས་པར། །
རྨོངས་པའི་ངུ་ཟུག་དེ་སྒྲོག་མཁན་ཇེ་མང་རེད། །
རྒྱལ་རབས་ལོ་རྒྱུས་དེ་ཀློག་མྱོང་མེད་ན་ཡང་། །
ཧ་ཅང་མཁས་མདོག་དེ་སྟོན་པ་འགྲོ་སྟངས་ཤིག །

རྒྱལ་བའི་གསུང་རབ་དེ་ཟུར་དུ་གཡུགས་དང་ནས། །
རྒྱང་འཕེན་སྙིང་སྟོབས་དེ་སྲོག་གི་དཀྱིལ་དུ་འཛིན། །
རྒྱ་ཆེན་གཞུང་ལུགས་དེ་སྦྱངས་མྱོང་མེད་ན་ཡང་། །
རྣ་བས་ཐོས་ཚུལ་དེ་བྲིས་ནས་རྫིག་ཉམས་སྟོན། །

གྲྭ་བའི་གྲངས་ཀ་དེ་ད་ནི་ཇེ་ཉུང་རེད། །
མི་རིགས་འཕེལ་རྒྱས་དེ་གནོད་མིན་ཤེས་རྒྱུ་རེད། །
བླ་རྒན་མགོ་རིལ་དེ་ཚང་མ་རྫོགས་སོང་ན། །
མགོ་ནག་བོད་པ་དེ་ལྷག་མིན་དཀའ་མོ་རེད། །

རིག་གནས་ཆ་ཚང་དེ་སློབ་ན་དགོན་པར་སོང་། །
དབང་ལུང་མན་ངག་དེ་དགོས་ན་དགོན་པར་ཡོད། །
བྱམས་བརྩེའི་དགེ་མཚན་དེ་བླ་སྤྲུལ་གསུང་ན་མཆིས། །
དགོན་པ་གྲྭ་ཚང་དེ་མེད་ན་གང་ནས་རྙེད། །

གྲྭ་བའི་ཕྱོགས་ཞེན་གྱིས་བཟི་འདོད་ཁོ་བོ་མེད། །
དྲང་གཏམ་མདའ་མོ་འདི་བདག་གིས་འཕེན་ན་འདོད། །
བསྟན་པའི་ལ་རྒྱ་དེ་ཟེར་ནས་གླེན་རྟགས་མེད། །
དངོས་ཡོད་བདེན་པ་དེ་སྨྲས་ན་སུ་ཡིས་གནོད། །

གྲྭ་བཙུན་ཡོད་ཚད་དེ་ཡག་རྒྱུ་མེད་ན་ཡང་། །
བརྒྱ་ཆའི་དགུ་བརྒྱ་དེ་ཡིད་ཆེས་བྱས་ན་འོས། །
གཟན་ཤམ་གྱོན་མིན་དེ་གྲྭ་བའི་ཚད་ཤིང་མིན། །
རྩ་བ་བཞི་བོ་དེ་ཐག་གཅོད་ཚངས་ཐིགས་སོ། །

བླ་སྤྲུལ་རྫུན་མ་དེ་བོད་དུ་མང་ན་ཡང་། །
དད་པ་བྱེད་མིན་དེ་རང་གི་ལག་ན་ཡོད། །
བདེན་རྫུན་དབྱེ་འབྱེད་དེ་བྱེད་རྒྱུ་མི་དགའ་བར། །
མིག་གིས་མཐོང་ཚུལ་དེ་སྐྱོན་དུ་བརྩི་བར་བྲེལ། །

གྲྭ་བ་དྲ་ཐོག་དེ་ཞུགས་པའི་ཉིན་མོ་ནས། །
གྲྭ་ལོག་ལྟ་ལོག་དེ་ཟེར་བའི་ཆོ་ལོ་སྟེར། །
དེང་དུས་ཤེས་བྱ་དེ་བོད་ན་ཤི་རོ་རེད། །
ལུགས་སྲོལ་ངན་པ་དེ་བོད་དུ་དར་ཁྱབ་ཆེ། །

སྟོན་པ་ཐུགས་རྗེ་དེ་ཁམས་འདིར་བཞུགས་ཡོད་ན། །
ལྟ་བ་མཁྲེགས་འཛིན་དེ་མི་བྱེད་ཁོ་ཐག་ཡིན། །
བོད་ཀྱི་བླ་སྤྲུལ་དེ་ལབ་ན་མི་འོས་ཀྱང་། །
དགོན་སྡེ་ཁག་ཅིག་དེ་འདི་ལས་སྡུག་རེད་མོ། །

བསྟོད་ན་བསྟོད་རྒྱུ་དེ་ཡོད་པ་དངོས་པོའི་གཤིས། །
སྨད་ན་སྨད་རྒྱུ་དེ་མཆིས་པ་ཆོས་ཉིད་ཅིག །
བསྟོད་མིན་སྨད་མིན་དེ་ང་ཡིས་བྲིས་ཡོད་སྙམ། །
སེམས་ཀྱི་སྐད་ཆ་དེ་འདི་ལས་ང་ལ་མེད། །
ཞུ་དག་ཙམ་མ་བྱས་པར་ཟིན་བྲིས་སུ་སྤེལ་བ་ཡིན་པས་དྲ་གྲོགས་ཚོས་ནོར་འཁྲུལ་ཡོད་པ་དག་ལ་བསམ་འཆར་བཤད་རོགས་ཞུ།

1 བསམ་ཚུལ་འདོན་པ།:

མིག་ཆུའི་ཟིན་བྲིས། said...

གྲྭ་བས་གྲྭ་བར་བསྟོད་ན་མི་བཟང་གི།
གྲྭ་བས་གྲྭ་བར་སྡུག་ན་མི་འཐད་ཀི།
བསྟོད་སྨད་གང་དུ་མེད་པའི་གནས་དེ་རུ།།
བདེ་བར་བཞག་ན་འགྲིག་པ་ལ།།