༄༅།། རྩོམ་རིག་གི་བླ་སྲོག

དྲ་རྒྱའི་བརྒྱུད་ལམ་དེད་ནས་འགྲོ་དུས་སུ།།  ལམ་ཁ་བདེ་གཟར་མང་བོ་ཕྲད་ན་ཡང་།།
དཀའ་ངལ་ལྕི་མོ་ཞིག་གི་འཆར་སྣང་མེད།།  བློས་ཐུབ་གྲོགས་དང་མཐུན་ན་འགྲིག་འདུག་སྙམ།།
དྲ་གྲོགས་ཡོད་ཚད་བདག་གི་གཏན་གྲོགས་མིན།།  དྲ་འབུ་ཡོད་ཚོད་ཕྲན་གྱི་དགྲ་བོ་མིན།།
གལ་ལ་ཐུག་དུས་སྐད་ཆ་འདྲི་ས་དེ།།  སེམས་ཀྱི་གྲོགས་པོ་ཡིན་པ་བཤད་མི་དགོས།།
གྲོགས་པོ་ཀུན་གྱི་ལྟ་བ་གཅིག་པ་མིན།། བཟང་ས་ཚང་མའི་བསམ་ཚུལ་འདྲ་མཚུངས་མིན།།
ཕན་ཚུན་གུ་ཡངས་དཀྱིལ་ཡངས་བསམ་བློ་དེ།། གྲོགས་པོའི་མཐུན་སྒྲིལ་དར་ཐག་ལེགས་ཤོས་ཉིད།། དྲིན་ཆེན་ཕ་མ་རྒྱང་རིང་ཡུལ་ནས་བཞག། ཤ་ཚའི་སྤུན་སོགས་མ་མཇལ་ཡུན་རིང་འགོར།།
ཟིན་བྲིས་སྤེལ་ནས་ལོ་ཟླ་མང་བོ་རྫོགས།། འདང་ཅན་གྲོགས་པོས་བཀའ་བཀྱོན་ཐེངས་ཤིག་གནང་།། ད་ནི་རང་གཤིས་བསྒྱུར་ལ་དཀའ་ངལ་ཞིག། ད་ནི་གྲོགས་པོའི་གཏམ་དེ་བདེན་གི་སྙམ།།
ཚ་གྲང་ལྟ་བུའི་འགལ་ཟླ་འདི་འདྲའི་འོག། མཚན་མོ་གཉིད་ཀྱང་མ་ཁུག་མགོ་བོ་ན།།
བློས་ཐུབ་གྲོགས་ལ་བཟུང་བའི་སེམས་པ་དེ།། ལྷ་དང་བླ་མ་མ་གཏོགས་སུ་ཡིས་ཤེས།།
བཟང་ངན་དབྱེ་འབྱེད་ཅུང་ཙམ་བཀར་བྱེད་ཀྱི།། རྣམ་དཔྱོད་ཕྲན་བུ་བདག་ལ་ཡོད་སྐད་དོ།།